L'è stai'na brüta està

L'è stai'na brüta està, par una serie da rasòn,
par mi, par al Nuara, al ghè stai gnenta da bon,
Se pö guarduma al temp che da giugn l'è sempar gris,
l'è cume un matrimoni che as fà sensa dà i biniss.
I speravi da pudè, dopu un mes da suferensa , ...
pensà che al mè Nuara, dopu strenua resistensa,
ag gnissa cunüssü una roba tant'unesta:
giugà in serie B cun driitta ben la testa.
Ma mia par un piasè !!!! ..., numà par la rasòn,
parchè a Nuara d'piangh suma stai mai propi bon.
I suma mai vursü ... cul che a ga spettava mia,
e l'uma purtà avanti sensa falsa ipucrisia,
sensa mai alsà la vùs cume as fà tra gent par ben
e la fin la cunüssuma, saran i altar a mangià 'l fen.
Fa gnenta !!! 'nduma avanti sensa mai guardà indrè,
ma da gent falsa e gnüranta na vüruma pü tra i pè.
Nè lumbard nè piemuntes, rassa püra da Nuara,
suma gent che vess unest i fasuma fin a gara.
Mia cume i barlafüs che ig disi una roba béla:
andì a da via al cü però cun vert l'umbréla !!!!

Forsa Nuara tüta la vita e in ogni categuria.